ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

EU ផ្តល់ថវិកា ៧លានដុល្លារសម្រាប់អភិវឌ្ឍវិស័យជលផលនៅកម្ពុជា

  • ចុះផ្សាយថ្ងៃទី០៥ ខែធ្នូ ឆ្នាំ២០២៣ ម៉ោង ១៧:០៦ នាទី ដោយ Sao SokEng
  • 1870
  Aa |   aA

ភ្នំពេញ៖ សហភាពអឺរ៉ុបបានផ្តល់ជំនួយចំនួន ៧លានដុល្លារដល់ក្រសួងសេដ្ឋកិច្ច និងហិរញ្ញវត្ថុ ដើម្បីគាំទ្រការអភិវឌ្ឍវិស័យជលផលនៅកម្ពុជា។ ការប្រកាសនេះធ្វើឡើងដោយឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា លោក Igor Driesmans ក្នុងឱកាសចូលជួបសម្តែងការគួរសម និងពិភាក្សាជាមួយរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទកាលពីថ្ងៃទី០៤ ខែធ្នូ ឆ្នាំ២០២៣។

ឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា លោក Igor Driesmans បានលើកឡើងថា ភាពជាដៃគូររវាងកម្ពុជា និងអឺរ៉ុបលើវិស័យជលផលមានភាពរឹងមាំ។ ទោះបីជាមានបញ្ហាប្រឈម ប៉ុន្តែ EU ត្រៀមខ្លួនរួចជាស្រេចក្នុងការគាំទ្របន្ថែមទៀតនូវវឌ្ឍនភាពក្នុងវិស័យសំខាន់នៃសុវត្ថិភាពកសិផល ដើម្បីលើកកម្ពស់គុណភាពផលិតផលដែលផលិតដោយវិស័យឯកជន និងប្រើប្រាស់ដោយប្រជាជនកម្ពុជាក្នុងប្រទេស ក៏ដូចជាគាំទ្រដល់គ្រឹះស្ថានកែច្នៃកម្ពុជា ដើម្បីឆ្លើយតបទៅនឹងតំបន់ និងតម្រូវការទីផ្សារអន្តរជាតិ ដែលអាចផ្តល់ទីផ្សារសម្រាប់ផលិតផលកម្ពុជា និងបង្កើតការងារ។

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា វិស័យកសិកម្ម រួមទាំងជលផល និងព្រៃឈើកំពុងប្រឈមមុខនឹងបញ្ហាប្រឈមជាសាកល ដែលបន្តទាមទារភាពជាដៃគូរឹងមាំជាមួយអ្នកពាក់ព័ន្ធទាំងអស់ រួមទាំងសហភាពអឺរ៉ុបផងដែរ ដើម្បីកាត់បន្ថយ និងសម្របខ្លួនទៅនឹងផលប៉ះពាល់អវិជ្ជមាន និងបំប្លែងឧបសគ្គទៅជាឱកាស។

លោករដ្ឋមន្ត្រីបានបង្ហាញពីការប្តេជ្ញាចិត្តរបស់ក្រសួងកសិកម្មចំពោះការអភិវឌ្ឍន៍ជលផលប្រកបដោយនិរន្តរភាព ទាំងក្នុងតំបន់ទឹក និងសមុទ្រ តាមរយៈខ្សែសង្វាក់តម្លៃទាំងមូល ដើម្បីជាប្រយោជន៍ដល់ប្រជានេសាទ កសិករវារីវប្បកម្ម និងសហគ្រិន ក៏ដូចជាអ្នកប្រើប្រាស់។

«យើងក៏ប្តេជ្ញាការពារ និងអភិរក្សជម្រកសត្វ និងធនធានរបស់យើងផងដែរ»។ នេះជាការអះអាងរបស់លោករដ្ឋមន្ត្រីដោយបញ្ជាក់បន្ថែមថា តាមផែនការ ក្រសួងកសិកម្មនឹងកែប្រែការនេសាទទឹកសាបមកធ្វើបែបវារីវប្បកម្ម ដើម្បីបង្កើនចំណូល ទ្រទ្រង់ជីវភាពពលរដ្ឋ៕


ព័ត៌មានជាច្រើនទៀតសម្រាប់អ្នក